മഹാരാഷ്ട്രയിലെ പൂനൈക്ക് അടുത്തുള്ള സിംഹഗഢ് കോട്ട (സിംഗാദ്) മുഗൾ ചക്രവർത്തി ഔറംഗസേബിൽ നിന്ന് തിരിച്ചു പിടിക്കുന്നതിനായി ഛത്രപതി ശിവാജി നടത്തിയ പോരാട്ടമാണ് 1670 ൽ നടന്ന സിംഹഗഡ് യുദ്ധമായി അറിയപ്പെടുന്നത്.
കോലി സമുദായത്തിലെ താനാജി മാലുസാരെ ശിവാജിക്ക് വേണ്ടി പട നയിച്ചപ്പോൾ രജപുത്ര വംശജനായ ഉദയ് ഭൻ റാത്തോഡ് ആയിരുന്നു ഔറംഗസേബിന്റെ സേനാ നായകൻ.
താനാജിയുടെ യുദ്ധ നൈപുണ്യവും പോരാട്ടവും പിൽക്കാലത്ത് തുളസീ ദാസിനെ പോലുള്ളവർ മറാത്തി കവിതകളിലൂടെ വാഴ്ത്തി പാടുകയുണ്ടായി. ഇത് പിന്നീട് മറാത്തി നാടോടിക്കഥകളിൽ താനാജിക്ക് ഒരു വീരപരിവേഷം സമ്മാനിക്കുകയും ചെയ്തു.
സംഭവ ബഹുലമായ ഒരു ജീവിത കഥയും ചരിത്രവുമൊക്കെ പറയാനുണ്ടായിട്ടും ഒരു സിനിമ എന്ന നിലക്ക് വേണ്ടത്ര അനുഭവപ്പെടുത്തലുകൾ ഇല്ലാതെ പോകുന്നുണ്ട് 'താനാജി'യിൽ.
അത്യാവശ്യം നല്ലൊരു ബജറ്റിൽ വന്ന പടമായിട്ടും അതിനൊത്ത മികവൊന്നും സിനിമയിൽ നിന്ന് കണ്ടു കിട്ടിയതുമില്ല. ശരാശരിയിലൊതുങ്ങി എല്ലാം.
'ഛപാക്' റിലീസായ സമയത്ത് ആ സിനിമക്കെതിരെ നടന്ന സൈബർ ആക്രമണം സാമ്പത്തികമായി ഗുണം ചെയ്തത് 'താനാജി'യെയാണ്. IMDB റേറ്റിംഗിൽ 'ഛപാക്' 3-4 സ്‌കോറിൽ ആയിരുന്നപ്പോൾ താനാജി 8-9 സ്കോറിലായിരുന്നു.
ആകെ മൊത്തം ടോട്ടൽ = ബോക്സ് ഓഫിസ് ഹിറ്റായിട്ടും ആസ്വാദനപരമായി കാര്യമായൊരു തൃപ്‍തി തരാത്ത സിനിമ.
*വിധി മാർക്ക് = 5.5 /10
-pravin-
അത്യാവശ്യം നല്ലൊരു ബജറ്റിൽ വന്ന പടമായിട്ടും അതിനൊത്ത മികവൊന്നും സിനിമയിൽ നിന്ന് കണ്ടു കിട്ടിയതുമില്ല.
ReplyDelete