വലിയ ചിറകുള്ള പക്ഷികൾ

വെറും ഒരു ഫോട്ടോഗ്രാഫർക്ക് സമൂഹത്തിൽ എന്ത് ചെയ്യാൻ സാധിക്കും എന്ന ചോദ്യത്തിന് വലിയ ഉത്തരങ്ങൾ തരുന്ന സിനിമ . 

ഭരണകൂട ഭീകരതയുടെ ഇരയാകേണ്ടി വന്ന ഒരു ജനതയുടെ നൊമ്പരങ്ങൾ ഒപ്പിയെടുത്തവതരിപ്പിച്ച സിനിമ .

കാസർഗോട്ടെ എൻഡോസൾഫാൻ ദുരന്ത ബാധിതരുടെ ജീവിതവും ദുരിതവും  നമുക്ക് മുന്നിൽ ഇത്രയേറെ ആധികാരികമായി വിവരിച്ചു തരുന്ന മറ്റൊരു സിനിമ വേറെയുണ്ടാകില്ല. 

ആ അർത്ഥത്തിൽ ഇത് സിനിമയല്ല ദുരന്തമേറെ അനുഭവിച്ചിട്ടും നിലനിൽപ്പിനായി ഇപ്പോഴും ഭരണകൂടത്തോട് പൊരുതി കൊണ്ടിരിക്കുന്ന  ഗതിയില്ലാത്ത  ജീവിതങ്ങളുടെ നേർകാഴ്ചകളാണ്.

ഒരുപാട് കാലം അന്വേഷിച്ചു നടന്നിട്ട് ഇപ്പോൾ കണ്ടു തീർന്നപ്പോൾ  മനസ്സിലൊരു വിങ്ങലായി പല കുഞ്ഞു മുഖങ്ങളും  മായാതെ നിൽക്കുന്നു.   കരഞ്ഞു തീർക്കാൻ സാധിക്കാത്ത വിങ്ങൽ വല്ലാത്തൊരു ശ്വാസം മുട്ടലാണ്.

ആകെ മൊത്തം ടോട്ടൽ = സാമൂഹിക പ്രതിബദ്ധതയുള്ള ഒരു മികച്ച ഡോക്യൂമെന്ററി സിനിമ. 

വിധി മാർക്ക് = 7.5/10 

-pravin-