The Boat

'ദേജാ വൂ' അഥവാ പുനരനുഭവമിഥ്യ എന്നൊരു സംഗതിയുണ്ട്. ജീവിതത്തിൽ ഒരിക്കൽ പോലും അത് അനുഭവിച്ചിട്ടില്ലാത്തവർ ഉണ്ടാകില്ല എന്ന് തന്നെ പറയാം. 

നമ്മൾ ആദ്യമായി പോകുന്ന ഒരു സ്ഥലത്ത്  അതിനു മുന്നേ പണ്ടെപ്പോഴോ  വന്നിട്ടുണ്ടെന്ന് തോന്നുക, ആദ്യമായി കണ്ട ഒരാളെ പണ്ടെപ്പോഴോ എവിടെയോ വച്ച് കണ്ടിട്ടുണ്ടെന്ന് തോന്നുക, അതുമല്ലെങ്കിൽ വർത്തമാന കാലത്ത് നമ്മൾ സംസാരിക്കുന്നതോ, അനുഭവിയ്ക്കുന്നതോ ആയ കാര്യങ്ങൾ അതിനും മുന്നേ കഴിഞ്ഞതും അതിന്റെ  ആവർത്തനാവുമായി തോന്നുക etc..  അങ്ങിനെ പല വേർഷൻ ഉണ്ട് ദേജാ വൂവിന്. 

2009 ലിറങ്ങിയ 'Triangle' ദേജാ വുവിന്റെ പല അവസ്ഥകളിലൂടെ കൊണ്ട് പോയിട്ടുണ്ട് ..അന്ന് പറന്നു പോയ കിളികൾ ഇപ്പോഴും കൂടണഞ്ഞിട്ടില്ല.. പ്രമേയപരമായി Triangle നെ അനുകരിക്കുന്ന സിനിമയല്ലെങ്കിലും,  ആസ്വാദനത്തിൽ മറ്റൊരു ദേജാ വൂ എഫക്ട് തരുന്നുണ്ട്  The Boat..   ഈ സിനിമ മുന്നേ എപ്പോഴോ കണ്ടിട്ടുണ്ടല്ലോ എന്ന ഒരു തോന്നൽ അതിന്റെ ഭാഗമായിരിക്കാം..  

നിശ്ശബ്ദമായ കടലിനു നടുവിലെ ഏകാന്തതയും , രാത്രി വെളിച്ചത്തിലെ കടലും, ആ ബോട്ടുമൊക്കെ ഭീകര കാഴ്ചകളും അനുഭവപ്പെടുത്തലുകളുമാണ്.  BGM കൂടി ആകുമ്പോൾ ആ ഭീകരത പൂർണ്ണമാകുന്നു. സോളോ ആക്ടിങ് വേറെ ലെവൽ.  

ആകെ മൊത്തം ടോട്ടൽ = ഏറെക്കുറെ സംഭാഷണ രഹിതമായ ഒരു സ്ക്രിപ്റ്റായിട്ടും അവതരണ മികവ് കൊണ്ട് ആളെ പിടിച്ചിരുത്തുന്ന സിനിമ എന്ന് പറയാം.  

കാര്യ കാരണ വിശദീകരണങ്ങൾ ഒന്നുമില്ലാതെ പറഞ്ഞവസാനിപ്പിക്കുമ്പോഴും ദുരൂഹതയുടെ ഭംഗി കൂടുന്നേയുള്ളൂ. എല്ലാവർക്കും ഇഷ്ടപ്പെട്ടു കൊള്ളണമെന്നില്ലാത്ത ഒരു പടം 

*വിധി മാർക്ക് = 6/10

-pravin-