Saand Ki Aankh- അറുപത് കഴിഞ്ഞ രണ്ടു ദാദിമാരുടെ പെണ്ണുശിരിന്റെ കഥ !

ലോകത്തിലെ തന്നെ ഏറ്റവും പ്രായം കൂടിയ ഷാർപ് ഷൂട്ടർമാരാണ്  ഉത്തർപ്രദേശിലെ   ചന്ദ്രോ തോമറും പ്രകാശി തോമറും .തീർത്തും ആണധികാരങ്ങൾക്ക് വിധേയമായി കുടുംബത്തിനുള്ളിൽ സഹനങ്ങളെല്ലാം  ഒളിച്ചു മൂടി  ജീവിക്കേണ്ടി വന്ന രണ്ടു പെണ്ണുങ്ങൾ.

എട്ടു പത്തു മക്കളും പത്തിരുപത് പേരക്കുട്ടികളുമുള്ള  കുടുംബത്തിനുള്ളിലെ ജോലികൾ ചെയ്തു തീർക്കുക എന്നതിൽ  കവിഞ്ഞു   വീടിനപ്പുറം ഒരു ലോകമുണ്ടെന്ന് പോലും അറിയാതെ ജീവിക്കേണ്ടി വന്ന ഈ  രണ്ടു സ്ത്രീ രത്നങ്ങൾ  അവരുടെ അറുപതാം വയസ്സിൽ അവിചാരിതമായി  ഷാർപ് ഷൂട്ടിങ്‌ പഠിക്കുകയും  മുപ്പതോളം ദേശീയ ചാമ്പ്യൻ ഷിപ്പുകൾ നേടി രാജ്യത്തിൻറെ ആദരവ് പിടിച്ചു പറ്റി.

ലോകം അറിയപ്പെടുന്ന ദാദിമാരായി  മാറിയതിന് പിന്നിലെ  അവരുടെ സംഭവ  ബഹുലമായ  ജീവിത കഥയുടെ ദൃശ്യാവിഷ്ക്കരമാണ് "സാണ്ട് കീ ആംഖ് " 

അറുപത് വയസ്സ് പ്രായം തോന്നിക്കുന്ന മെയ്ക് അപ്പിലും ശരീര ഭാഷയിലും പോരായ്‌മ തോന്നിച്ചെങ്കിലും  താപ്‍സി പന്നുവും ഭൂമി പാഡ്നേക്കറും   ഗംഭീര പ്രകടനമായിരുന്നു. 

ആകെ മൊത്തം ടോട്ടൽ = ബോളിവുഡിൽ കഴിഞ്ഞ കുറച്ചു കാലമായി ബയോപിക് സിനിമകളുടെ കുത്തൊഴുക്കാണെങ്കിലും മടുപ്പിക്കുന്നില്ല ഇത്തരം യഥാർത്ഥ താരങ്ങളുടെ കഥകൾ. 

*വിധി മാർക്ക് = 7/10 

-pravin-